Atletët e Kosovës do ta mbajnë me krenari flamurin në Rio
Photo credits: REUTERS
Vrapuesja e Kosovës në 400 metra, Vijona Kryeziu, ka ushtruar
për Lojërat Olimpike në bjeshkët përreth fshatit të saj të lindjes,
Roganë, duke përmbushur një ëndërr që deri kohët e fundit dukej e
pamundur për shumë atletë të vendit të saj, shkruan Reuters.Lojërat e Rios do të jenë të parat që presin atletët nën
flamurin e Kosovës, e cila shpalli pavarësinë nga Serbia në vitin 2008,
nëntë vjet pas fushatës së bombardimeve të NATO-s për t’i përzënë forcat
serbe nga territori i saj.“Unë jam shumë me fat që jam pjesë e këtyre Lojërave”, citon Reuters fjalët e 18-vjeçares.Për të vazhduar karrierën e tyre më parë, shumë atletë nga vendi i
vogël ballkanik u desh t’i lënë vendet e tyre për të marrë pjesë nën
flamurin e një vendi tjetër. Gjatë Londrës 2012, kampionia e dyfishtë botërore e xhudos, Majlinda
Kelmendi, është dashur të konkurrojë për Shqipërinë. Në Rio ajo me
krenari do ta mbajë flamurin e Kosovës në ceremoninë e hapjes.“Është sukses i madh për Kosovën që është e përfaqësuar për herë të
parë me flamurin e saj”, tha Presidenti Hashim Thaçi, të premten, kur ai
ia dorëzoi flamurin Kelmendit. “Kjo është një thyerje e izolimit nga
sporti pas gati tre dekadave”.
Photo Credits: REUTERS
Muajin e kaluar, në llogarinë e tij në Twitter, Presidenti Thaçi
shkroi: “Ne mund të fitojmë medalje të artë, mund edhe të mos e fitojmë
atë, por edhe ashtu jemi heronj”.
Kosova, më në fund, u bë anëtare e Komitetit Olimpik në vitin 2014. Këtë vit ajo iu bashkuar UEFA-s dhe FIFA-s.“Kurrë nuk kam menduar se do ta shoh këtë ditë”, tha vrapuesi në 800
metra, Musa Hajdari. “Është përgjegjësi për neve dhe do të tentojmë të
shkojmë dhe të japim maksimumin”, tha ai.
Hajdari dhe Kryeziu janë dy nga tetë atletët nga Kosova që do të
udhëtojnë në Rio. Gjashtë të tjerët janë: dy notues, dy xhudistë, një
çiklist dhe një gjuajtës
Ndalohet riprodhimi i plotë ose i pjesshëm i materialeve tona, pa leje paraprake. Të nderuar lexues. Ju mund të komentoni lirisht, mjafton të mos përdorni fjalë fyese, që nxisin urrejtje mbi baza kombëtare, racore, gjinie apo fetare.
0 comments:
Post a Comment
Ndalohet riprodhimi i plotë ose i pjesshëm i materialeve tona, pa leje paraprake.
Të nderuar lexues. Ju mund të komentoni lirisht, mjafton të mos përdorni fjalë fyese, që nxisin urrejtje mbi baza kombëtare, racore, gjinie apo fetare.